PEKIN / 24 maj 2026 – Projekti i Historisë së Përbashkët (Joint History Project – JHP) u prezantua në Forumin e Parë të Shkëmbimit Kulturor Kinë–Ballkan, një takim shkencor dyditor mbi lidhjet historike, kulturore dhe arsimore, i cili u mbajt në Universitetin Capital Normal në Pekin. Ky aktivitet bëri bashkë shkencëtarë dhe kërkues kryesorë me qëllim që të nxitet një kuptim më i thellë i lidhjeve rajonale, si dhe i praktikave bashkëkohore arsimore.
Dr. Dubravka Stojanoviq, profesoreshë në Fakultetin Filozofik të Universitetit të Beogradit, bashkëpunëtore e kamershme dhe redaktore e botimeve të projektit, mbajti një ligjëratë me titull „Drejt një historie të përbashkët të Ballkanit“. Në fjalën e saj, ajo u ndal te sfidat dhe transformimet në mësimdhënien e historisë në mbarë Evropën Juglindore, duke theksuar rëndësinë jetike të tejkalimit të narrativave etnocentrike përmes dialogut dhe mendimit kritik. Si një shembull kryesor i një praktike të suksesshme rajonale dhe një model i qëndrueshëm për reformën e metodologjisë së arsimit, profesoresha Stojanoviq veçoi Projektin e Historisë së Përbashkët (JHP), duke treguar se si qasja e tij multiperspektive i ndihmon mësimdhënësit dhe nxënësit t’i shikojnë ngjarjet komplekse dhe të ndjeshme historike nga këndvështrime të ndryshme. Profesoresha Stojanoviq gjithashtu prezantoi fazën aktuale të projektit, „Historia e së Ardhmes“, e cila fokusohet në forcimin e pranisë digjitale të projektit dhe adoptimin e praktikave të reja teknologjike për të siguruar rëndësinë e tij të vazhdueshme midis brezave të rinj.
Dr. Sanja Radoviq, historiane, kërkuese dhe asistente në projektin JHP, gjithashtu mori pjesë në forum, duke prezantuar kërkimin e saj shkencor dhe gjetjet në fushën e historisë bashkëkohore, ndërsa diskutimet joformale pas ligjëratës i shfrytëzoi për të ndarë pikëpamje në lidhje me fazën aktuale digjitale të projektit.
Ftesa për mbajtjen e këtyre ligjëratave dhe përmes shkëmbimit të kërkimeve individuale dhe ekspertizës institucionale, ritakson se përvojat e Evropës Juglindore në kërkimet historike dhe transformimin e arsimit janë jashtëzakonisht të rëndësishme dhe gjerësisht të zbatueshme brenda kornizave globale të shkëmbimit kulturor dhe arsimor.
