Në komikun e parë ndjekim nxënës që eksplorojnë Perandorinë Osmane me ndihmën e mjeteve të inteligjencës artificiale. Teknologjia hap dyer të reja për të kuptuar historinë — por jo pa rreziqe dhe pyetje. Si mund ta dallojmë kufirin e hollë mes një mjeti ndihmës dhe një interpretimi të thjeshtuar së tepërmi të së kaluarës?

Në komikun e dytë, fantazmat e së kaluarës shfaqen aty ku nuk i presim — mes të rinjve që duken të lirë nga paragjykimet kombëtare. Megjithatë, mitet kombëtare dalin në pah gjatë një debati në klasë mbi ngjarje historike. A është e mundur të studiojmë historinë pa përsëritur të njëjtat narrativa të vjetra?