Çmimi i Paqes, i cili jepet nga Qendra Evropiane për Shkencën e Paqes (CESPIC) me mbështetjen e Fondacionit „Zoja e Këshillit të Mirë” dhe në bashkëpunim me Observatorin për Ballkanin, Kaukazin dhe Transevropën (OBCT/CCI), këtë vit i takoi Projektit të Librave të Përbashkët të Historisë për rolin e tij shumëvjeçar arsimor në përmirësimin e mirëkuptimit të ndërsjellë dhe proceseve të pajtimit.

Është një nder i jashtëzakonshëm dhe kënaqësi e madhe për ne që ky çmim na u dha pikërisht ne, si shenjë vlerësimi dhe njohjeje të punës dhe përkushtimit tonë shumëdekadësh.

Ky çmim jepet për herë të parë në Shqipëri nga Qendra Evropiane për Shkencën e Paqes (CESPIC) së bashku me partnerët e përmendur. Ceremonia zyrtare e ndarjes së çmimit do të mbahet më 11 mars në Universitetin Katolik „Zoja e Këshillit të Mirë” (UniZKM) në Tiranë, ku do të flasin drejtoresha e JHP-së, Zvezdana Kovač, dhe prof. Christina Koulouri, koordinatorja kryesore e Projektit dhe kryeredaktorja e Librave të Përbashkët të Historisë.

Njohja e atyre që punojnë çdo ditë për të lidhur komunitetet përfaqëson vetë thelbin e vlerave të Joint History Project, ndërsa ngjarje të tilla kontribuojnë fuqishëm në forcimin e kulturës së dialogut, besimit dhe mirëkuptimit.

Më shumë informacione rreth ngjarjes janë të disponueshme në faqen e internetit të universitetit UniZKM.