Проектот за заедничка историја беше централна програма на Центарот за демократија и помирување во Југоисточна Европа (CDRSEE), регионална и целно ориентирана невладина организација со седиште во Солун, која се стремеше да негува демократски, плуралистички и мирни општества во Југоисточна Европа. И покрај тоа што создаде еден од најуспешните проекти досега, во 2019 година CDRSEE беше принуден да се затвори поради недостаток на средства. По иницијатива на Европскиот фонд за Балканот (ЕФБ), преку поддршката за создавање и одржување на оваа веб-страница, овие книги се повторно достапни за јавноста. ЕФБ разбира дека овие книги се важна алатка не само за наставата по историја, туку и за отворање култура на дијалог и различни начини на размислување. Книгите за заедничка историја можат да бидат излез од претежно еднодимензионалниот образовен систем во регионот на Југоисточна Европа и имаат потенцијал да поттикнат размена на различни перспективи и искуства.
Osnovni tim
Zvezdana Kovač, Director
Sanja Radović
Asistent projekta i kreator sadržaja
Srđan Ilić
Tehnička podrška i dizajn
АВТОРИ
Исклучителен придонес во создавањето на овие книги дадоа Коста Карас (Costa Carras), известувач на ЦДРСЕЕ во Одборот за проектот за заедничка историја и Проф. Кристина Коулоури (Christina Koulouri), генерална координаторка и уредничка на серијата. За неуморниот труд и посветеност, благодарност оди до уредниците: Проф. Дубравка Стојановиќ (Dubravka Stojanovic), Проф. Халил Берктај (Halil Berktay), Проф. Богдан Мурџеску (Bogdan Murgescu), проф. Мирела Луминита Мурџеску (Mirela Luminita Murgescu), Проф. Валери Колев (Valery Kolev), Г-дин. Крешимир Ердеља (Kresimir Erdelja), Проф. Невен Будак (Neven Budak), Проф. Алексеј Калионски (Alexei Kalionski), Проф. Божо Репе (Božo Repe), Драгутин Поповиќ, Нијази Кизиљурек (Niyazi Kızılyürek). За успехот на проектот пресудни беа неуморните напори на претседателите и членовите на Одборот на директори – Метју Нимиц (Matthew Nimetz), Ричард Шифтер (Richard Schifter), Ерхард Бусек (Erhard Busek), Ханес Свобода (Hannes Swoboda), Никос Ефтимиадис (Nikos Efthymiadis), Ригас Целепоглу (Rigas Tzelepoglou), Сашо Орданоски, Душан Рељиќ (Dusan Reljic), Селџук Ерез (Selcuk Erez), како и двајцата тогашни извршни директори, Ненад Шебек (Nenad Šebek) и Звездана Ковач (Zvezdana Kovač).
Давајќи важен придонес во исправноста и урамнотеженоста, книгите беа прегледани и коментирани од шест читатели: Проф. Роберт Страдлинг (Robert Stradling), Проф. Марија Тодорова, Проф. Петер Водопивец (Peter Vodopivec), Иван Вејвода (Ivan Vejvoda) Проф. Андреас Деметриу (Andreas Demetriou) и Проф. Флориан Бибер (Florian Bieber).
МЕТОДОЛОГИЈА
Авторите беа водени од идејата да се соберат и претстават историски извори и разнолични толкувања и гледишта проектирани од самите извори, наместо историографско дело. Тие, на ниту еден начин, не упатуваат на објективноста на изворите.
Целта е едноставно да се демонстрира. Овие книги, со други зборови, го применуваат компаративниот метод и мултиперспективниот пристап.
IN MEMORIAM
Оддавање почит на визионерот: Коста Карас Коста Карас, визионерскиот основач и креатор на Книгите за заедничка историја, почина во 2022 година, само неколку недели пред лансирањето на оваа платформа. Неговиот интелект, неуморните напори и непоколебливата поддршка беа движечката сила што ги изнесе овие книги на виделина, иницирајќи нова ера на преиспитување на историјата и предизвикување на сопствените предрасуди. Господин Карас спојуваше огромно знаење со страсна посветеност на демократијата и мирниот соживот. Овој труд го посветуваме на неговиот спомен, оддавајќи почит на прекрасното наследство што им го остави на идните генерации — алатка која ќе им помогне да станат, пред сè, добри луѓе.
